منتدى تعليمي ترفيهي
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 امتحان الصبر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
dj karima

avatar

المساهمات : 3603
تاريخ التسجيل : 22/09/2011
العمر : 28
الموقع : بلدية وادي الفضة ولاية الشلف

مُساهمةموضوع: امتحان الصبر   الثلاثاء مايو 16, 2017 2:05 pm

22:42

السلام عليكم ورحمة الله وبركاته
اخوتي اعضاء منتدانا العزيز
نحب نحكي قصة عشتها ونسال الله انها تكون موعضة للي فد مالدنيا وايس باش يلقى خديمة باهية ويكون روحو وخاصة يعاون دارهم الي انفقوا عليه وكبروه وردوه راجل
قصتي بدات عندها اربع سنين وقتلي ربي هداني ووليت نصلي ,الحق تغرمت بحفظ القران وجلست في كم من مجموعة كانت البداية طيبة والحمد لله ,دارنا فرحانين بولدهم نحى الفساد ورجع لربي ,ولاد حومتي وصحابي زاد احترامهم ليا وحبوني اكثر ,كل شيء كان محلاه وهذا لي زاد شجعني باش نواصل ونزيد نتعلم ديني اكثر ...
في وقت وجيز والحمد لله اصبحت السنن الضاهرة والباطنة عندها اهمية كبيرة عندي حتى ولاتلي مبدا في الحياة
توكلت على ربي واطلقت اللحية...
كانت البداية عادية صحابي يفذلكو عليا ويعيطولي شيخ
امي وبابا يهددوني بتفذليك باش يحجموهالي وانا راقد
الحق متع ربي كنت فرحان ياسر بالحياة الجديدة متاعي حتى كملت قرايتي وبديت اول امتحان ...
امتحان الصبر
توة يلزمني نخدم ونعمل على روحي
طولت المدة وانا بطال المعامل لكل رفضتني خاترني عامل لحية لا وزيد قالوهالي طول من غير حشمة, بداو الدار يقلقو فيا وانا بديت نتخنق حتى البناي لي ديما يعيطلي باش نخدم معاه مسكين زادا هوا قعد مدة بطال
ولي زاد كمل عليا خالي
ماو مشا كلم بابا قلو راني دبرتلو خدمة في الغاز مع شهرية خيالية على شرط انو يحجم لحيتو طبعا رفضت و مع رفضي تحول بابا ولا انسان اخر يدخل يسب يخرج يسب حرم عليا المصروف وحلف على امي باش ما تحنش عليا وتمدلي
قعدت في البطالة قريب العامين وانا في المشاكل وصابر حتى كيف دبرت خدمة في دبو متع بيع مواد غذائية كان الدبو في اياماتو لخرة وقيد فلسة ورجعت كيما العادة

من غير ما نطول عليكم ريتوها المشاكل هذيكة الكل تقلبت في ليلة ونهار بعد مابعثلي ربي سبحانو ولد حلال قلي باش نحل دبو ونحطك شريك معايا بالخدمة ,صدقوني والله جاني رزقي من حيث لا احتسب وفي احسن حاجة نحبها التجارة
الحمد لله نجحت في الامتحان
شفتوها الشهرية الخيالية لي يحكي علاها خالي الحمد لله نصور خير منها وربي مباركلي فاها وبابا فرحان وراضي عليا لا زيد ولا يشجع فيا
الحاصل الي حبيت نوصلو من ترك شيئا لله عوضه الله خيرا منه ورد بالك تتنازل لحد على دينك مهما كانت الضغوطات شوية صبر وحسن توكل تتحل قدامك البيبان وان بعد العسر يسرا


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
امتحان الصبر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ابو الحسن التعليمية :: الفئة الأولى :: المنتدى الأول-
انتقل الى: